السلام عليكم ورحمه الله وبركاته
اليوم نتكلم عن الفيزات الافتراضيه Virtual Visa
الفيزات الافتراضيه عباره عن طريقه للدفع أونلاين عن طريق عده بنوك ومسميات تختلف باختلاف الخدمه المقدمه منها خدمات الدفع يعني تفعل الحساب بالكرديت كارد الخاصه بيك وتدفع بيها ومنها خدمات السحب من المواقع الاللكترونيه اذا كان عندك فلوس في مواقع الكترونيه ومش عارف طريقه تسحبهم بيها هذا بصفه عامه .
في داخل ليبيا لأنه المركزي الليبي دار سقف لبطاقات الائتمان طبيعي انه لازم في طريقه تستفيد من الفيزات حتا مع السقف جت فكره الفيزا الافتراضيه واللي مقبول الدفع بيها في اغلب المواقع الالكترونيه ومواقع حجز التذاكر والحجوزات الفندقية نذكر منهم بالتفصيل اللي عندي خلفيه عليهم .
الانتروبي
بطاقه افتراضيه تفعل بالفيزات اللليبيه تدخل الموقع وتسجل تمام وعندك سقف معين اذا كان حساب بيسك تقدر ترقي الحساب لبرايم ويكون سقف الدفع بالانتروبي كبير , بالنسيه ليهم ياخدوا في عموله 3.45%عن كل عمليه شحن يعني شحنت الانتروبي بي 100$ تلاقي فيها 96.55$ , لانه الانتروبي فيها عموله يعني تعتبر شبه ربويه والله أعلم .
الباي بال
الكلمه اللي مدوخه هلبه
حساب في بنك يمكنك تدفع أونلاين بالمبلغ اللي تبيه وفي أغلب المواقع اذا كان مش كل المواقع الالكترونيه , الباي بال لايدعم ليبيا يعني ماتقدرش تشترك بعنوان من ليبيا ومن شروط اشتراكه فيزا من خارج ليبيا عنوان ورقم هاتف برا ليبيا , وحتا لو بتكسر البروكسي متع IP وبدير روحك فالح وبدير رقم وهمي من مواقع معينه مايمشيش لأنه الدعم متع الباي بال قوي هلبه وفي ثواني يحصلوا عليك , عندنا في ليبيا بلاد الثغرات شن يديروا حتا يفعلوا الباي بال يدير بطاقه انتروبي ويفعل بيها الباي بال بعنوان أي شخص ورقم هاتفه من الخارج ,
البايونير
الفيزا الافتراضيه لسحب الفلوس من مواقع الانترنت
في مواقع تقدر تشترك وتقدم خدمات افتراضيه فيها وتعتبر زي منصات العمل تقدم خدمه لشخص ويخلصك دولار طبعا بعد جوده الخدمه البايونير وسيله سحب الأموال غير هكي ماليهاش لزوم وشو زايد لأنها فيزا معقده لن راسك يوقف بشروطها .
مواقع الخدمات الالكترونيه واللي ممكن تكسبك من البيت زي قوقل ادسنس زي فري لانسر زي فيفر وشرحهم بالتفصيل في منشورات جايه .
أغلبكم تسألوا في أنفسكم ليش البوست او المعلومات او حتا المجموعه من الأساس ؟
المعلومات اللي ذكرتها تعتبر خارج اهتمامات هلبه ناس ولكن بالمقابل مثلا في من محتاج من يخلص عليه مبلغ ممكن بسيط أو حتا تذكره سفر أو أو ومش عارف الطريق أو يطيح في حد وهمي ويجري بيه وينصب عليه , قبل 3 شهور حتا القيفت كارد شن هو مانعرفاش ولكن خشيت مجموعه وبحتث بنفسي هلبه ولأننا الليبين الا مارحم ربي مانحبوش نعطوا معلومه وهلبه مواقف تسأل أشخاص يكلمك كأنه متخرج من معهد ماساسوتش أو جاي من سيليكون فالي قررت اللي نعرفه واللي تعلمته واللي مزال بنتعلمه يوصل للشخص اللي محتاجه .
أي استفسارات حاضرين
وشكرا
اليوم نتكلم عن الفيزات الافتراضيه Virtual Visa
الفيزات الافتراضيه عباره عن طريقه للدفع أونلاين عن طريق عده بنوك ومسميات تختلف باختلاف الخدمه المقدمه منها خدمات الدفع يعني تفعل الحساب بالكرديت كارد الخاصه بيك وتدفع بيها ومنها خدمات السحب من المواقع الاللكترونيه اذا كان عندك فلوس في مواقع الكترونيه ومش عارف طريقه تسحبهم بيها هذا بصفه عامه .
في داخل ليبيا لأنه المركزي الليبي دار سقف لبطاقات الائتمان طبيعي انه لازم في طريقه تستفيد من الفيزات حتا مع السقف جت فكره الفيزا الافتراضيه واللي مقبول الدفع بيها في اغلب المواقع الالكترونيه ومواقع حجز التذاكر والحجوزات الفندقية نذكر منهم بالتفصيل اللي عندي خلفيه عليهم .
الانتروبي
بطاقه افتراضيه تفعل بالفيزات اللليبيه تدخل الموقع وتسجل تمام وعندك سقف معين اذا كان حساب بيسك تقدر ترقي الحساب لبرايم ويكون سقف الدفع بالانتروبي كبير , بالنسيه ليهم ياخدوا في عموله 3.45%عن كل عمليه شحن يعني شحنت الانتروبي بي 100$ تلاقي فيها 96.55$ , لانه الانتروبي فيها عموله يعني تعتبر شبه ربويه والله أعلم .
الباي بال
الكلمه اللي مدوخه هلبه
حساب في بنك يمكنك تدفع أونلاين بالمبلغ اللي تبيه وفي أغلب المواقع اذا كان مش كل المواقع الالكترونيه , الباي بال لايدعم ليبيا يعني ماتقدرش تشترك بعنوان من ليبيا ومن شروط اشتراكه فيزا من خارج ليبيا عنوان ورقم هاتف برا ليبيا , وحتا لو بتكسر البروكسي متع IP وبدير روحك فالح وبدير رقم وهمي من مواقع معينه مايمشيش لأنه الدعم متع الباي بال قوي هلبه وفي ثواني يحصلوا عليك , عندنا في ليبيا بلاد الثغرات شن يديروا حتا يفعلوا الباي بال يدير بطاقه انتروبي ويفعل بيها الباي بال بعنوان أي شخص ورقم هاتفه من الخارج ,
البايونير
الفيزا الافتراضيه لسحب الفلوس من مواقع الانترنت
في مواقع تقدر تشترك وتقدم خدمات افتراضيه فيها وتعتبر زي منصات العمل تقدم خدمه لشخص ويخلصك دولار طبعا بعد جوده الخدمه البايونير وسيله سحب الأموال غير هكي ماليهاش لزوم وشو زايد لأنها فيزا معقده لن راسك يوقف بشروطها .
مواقع الخدمات الالكترونيه واللي ممكن تكسبك من البيت زي قوقل ادسنس زي فري لانسر زي فيفر وشرحهم بالتفصيل في منشورات جايه .
أغلبكم تسألوا في أنفسكم ليش البوست او المعلومات او حتا المجموعه من الأساس ؟
المعلومات اللي ذكرتها تعتبر خارج اهتمامات هلبه ناس ولكن بالمقابل مثلا في من محتاج من يخلص عليه مبلغ ممكن بسيط أو حتا تذكره سفر أو أو ومش عارف الطريق أو يطيح في حد وهمي ويجري بيه وينصب عليه , قبل 3 شهور حتا القيفت كارد شن هو مانعرفاش ولكن خشيت مجموعه وبحتث بنفسي هلبه ولأننا الليبين الا مارحم ربي مانحبوش نعطوا معلومه وهلبه مواقف تسأل أشخاص يكلمك كأنه متخرج من معهد ماساسوتش أو جاي من سيليكون فالي قررت اللي نعرفه واللي تعلمته واللي مزال بنتعلمه يوصل للشخص اللي محتاجه .
أي استفسارات حاضرين
وشكرا
شكرا لك اخي على هذا المجهود و الله تعبت مش نعرف طريقة السحب لكن نبي نعرف هل يمكن عمل بطاقة بايونير في ليبيا و كيف و شكرا جزيلا لك و من تقدم لتقدم ان شاء الله
ردحذف